ՀՈՒՇԱՐՁԱՆՆԵՐ

1950

Պետ. ցուցիչ՝ 1.6.112

Ճարտարապետ՝ Գևորգ Թամանյան

Հայ մեծանուն գրող, նոր գրականության հիմնադիր Խաչատուր Աբովյանի հուշարձանը գտնվում է Աբովյան փողոցի վերջնամասում՝ համանուն հրապարակում: Քանդակը կերտվել է 1947 թ., տեղադրվել՝ 1950 թ.: Այն տեղադրված է աստիճանաձև գետնախարսխի վրա բարձրացող գրանիտե քառանիստ պատվանդանին։ Հուշարձանի ընդհանուր բարձրությունը 9 մ է, բրոնզե անդրին՝ 3,65 մ:

Խաչատուր Աբովյանի կեցվածքը հանգիստ է, հայացքը՝ սևեռուն, ձեռքին՝ գիրք է: Պարզ ու զուսպ պլաստիկան կերպարին տալիս են վսեմություն և հանդիսավորություն՝ բնութագրելով նրան որպես իր ժողովրդի ճակատագրով մտահոգված մտավորական: Կատարման եղանակով մոտ է 19-րդ դ. կլասիցիզմի քանդակագործությանը:

Պատվանդանի վերին մասում տեղադրված է քանդակազարդ ծոփոր, դիմահայաց ճակատին՝ վարդյակ, հակառակ նիստին հայերենով և ռուսերենով փորագրված է հատված Աբովյանի խոսքերը.

Ո՛Չ ԵՐԿԱՐ ԱՊՐԻԼՆ ԷՐ ԻՄ ՈՒԶԱԾԸ,

Ո՛Չ ԼԱՎ ՕՐ ՔԱՇԻԼՆ՝ Ա՛Խ՝ ԻՄ ԽՆԴՐԱԾԸ։

ԻՄ ԷՆ ՔԱՇԱԾ ՇՈՒՆՉՆ ԷԼ ՄԱՀ ԷՐ ԱՉՔԻՍ,

ԵՐԲ ՉԷԻ ԿԱՐՈՒՄ ՊԵՏՔԸ ԳԱԼ ԱԶԳԻՍ։