ՀՈՒՇԱՐՁԱՆՆԵՐ
ՎԱՐԴԱՆ ՄԱՄԻԿՈՆՅԱՆԻ ՀՈՒՇԱՐՁԱՆ
1975
Պետ. ցուցիչ՝ 1.6.129
Ճարտարապետ՝ Ստեփան Քյուրքչյան
Վարդան
Մամիկոնյանի հուշարձանը գտնվում է Օղակաձև զբոսայգում՝ Խանջյան և Վարդանանց փողոցների
հատման վայրում։ Նվիրված է Սասանյան Պարսկաստանի դեմ 5-րդ դ. հայ ազատագրական շարժման
առաջնորդ, 451 թ. Ավարայրի ճակատամարտում հայոց զորքերի հրամանատար, սպարապետ Վարդան
Մամիկոնյանին: Արձանի բացման պաշտոնական արարողությունը տեղի է ունեցել 1975 թ. դեկտեմբերի
20-ին։
Տուֆով
սալարկված հրապարակում, Արթիկի վարդագույն տուֆից կառուցված սրբատաշ պատվանդանին հեծյալ
սպարապետի՝ կարծես օդում կախված, կոփածո պղնձե արձանն է: Պլաստիկ լուծումն էքսպրեսիվ
է՝ մոնումենտալ ոճավորմամբ, լեցուն շարժումով և լարվածությամբ: Քարե պատվանդանի բարդ,
դինամիկ հորինվածքը համահունչ է ստեղծագործության ընդհանուր ոգուն: Վարդան Մամիկոնյանի
կերպարը ցուցադրում է արիություն և հանուն հայրենիքի նահատակվելու աննկուն կամք: Հուշարձանը
կրում է իտալական Վերածննդին և 20-րդ դ. քանդակագործությանը բնորոշ հորինվածքային ու
ոճական տարրեր: Ընդհանուր բարձրությունը 17 մ է:
