ՀՈՒՇԱՐՁԱՆՆԵՐ

2003 թ.

Ճարտարապետ՝ Լևոն Իգիթյան

Քանդակագործ՝ Դավիթ Բեջանյան

Հայ անվանի երգահան, դաշնակահար, ԽՍՀՄ և ՀԽՍՀ ժողովրդական արտիստ Առնո Բաբաջանյանի հուշարձանը գտնվում է Տերյան և Թումանյան փողոցների խաչմերուկում՝ Կարապի լճի հարևանությամբ՝ Երևանի մարդաշատ վայրերից մեկում: Առաջին անգամ տեղադրվել է 2002 թ., սակայն հասարակական բացասական կարծիքի պատճառով ապամոնտաժվել է և որոշ փոփոխություններից հետո հանդիսավոր պայմաններում վերատեղադրվել է 2003 թ. հուլիսի 4-ին:

Երգահանը ներկայացված է դաշնամուրի առջև նստած ինքնամոռաց նվագելիս: Պատրաստվել է նրա ծննդյան 80-ամյակի կապակցությամբ:

Պատրաստված է բրոնզից և ուկրաինական գրանիտից: Բարձրությունը 2,8 մ է:

Աշխատանքները ֆինանսավորել է ՀՀ Ֆուտբոլի ֆեդերացիայի նախագահ, գործարար Ռուբեն Հայրապետյանը:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան