ԵՐԵՎԱՆԻ ԺԱՄԱՆԱԿԱԳՐՈՒԹՅՈՒՆԸ
1976-1987
Մարզահամերգային համալիրը կառուցվել է Ծիծեռնակաբերդի բլրի վրա։
Կարեն Դեմիրճյանի անվան մարզահամերգային համալիրը Երևանի համերգային սրահներից ամենամեծն է։
Համալիրը բացվել է 1983 թվականին, սակայն մեկուկես տարի անց տեղի ունեցած խոշոր հրդեհի պատճառով այն փակվել է մինչև 1987 թվականի վերջի վերակառուցման ավարտը։
Համալիրը նախագծել են հայ ճարտարապետներ Ա.Թարխանյանը, Ս.Խաչիկյանը, Գ.Պողոսյանը և Գ.Մուշեղյանը։
Շինարարությունն իրականացվել է Ի.Ծատուրյանի, Ա.Ազիզյանի և Մ.Ահարոնյանի ղեկավարությամբ։
ԱՅԼ
2022
Գիտության ու արվեստի միջազգային «STARMUS» 6-րդ փառատոնն անցկացվեց Երևանում ՝ միավորելով աշխարհահռչակ գիտնականների, տիեզերագնացների, երաժիշտների, Նոբելյան մրցանակի դափնեկիրների:
1603
Նոյեմբերի 15-ին Սեֆյան Պարսկաստանի բանակը պաշարեց Երևանը: Շահ Աբբաս I-ի պարսկական բանակը 9 ամսվա պաշարումից հետո գրավեց Երևանի ամրոցը, իսկ Արևելյան Կովկասի այլ քաղաքներ թույլ կամ առանց դիմադրության հանձնվեցին շահին: Հարյուր հազարավոր հայեր, այդ թվում ՝ Երևանի բնակիչները, գերեվարվեցին և ուղարկվեցին Պարսկաստան:
