ՀՈՒՇԱՐՁԱՆՆԵՐ

1965 թ.

Պետ. ցուցիչ՝ 1.6.121

Ճարտարապետ՝ Լիպարիտ Սադոյան

Քանդակագործ՝ Սարգիս Բաղդասարյան

Հուշարձանը նվիրված է հայ մեծանուն բանաստեղծ, հասարակական գործիչ, հրապարակախոս, ՀԽՍՀ ԳԱ ակադեմիկոս, «Նեմեսիս» գործողության մասնակից Ավետիք Իսահակյանին (1875-1957): Գտնվում է Օղակաձև զբոսայգում, նույնանուն փողոցի հարևանությամբ: 

Հանդիսավոր բացումը տեղի է ունեցել 1965 թ. հունիսի 12-ին: Սև գրանիտե ուղղանկյուն, սրբատաշ պատվանդանին բանաստեղծի բրոնզաձույլ արձանն է (ընդհանուր բարձրությունը՝ 6 մ): Պատվանդանի դիմային մասում փորագրված է. ԱՎԵՏԻՔ ԻՍԱՀԱԿՅԱՆ

Բանաստեղծը ներկայացված է քայլելիս՝ մեջքին դրած ձեռքերով պահում է ձեռնափայտն ու թիկնոցը։ Նրա դիրքը, հագուստի ձևը, կնճիռներով ակոսված դեմքը, մտահոգ և իմաստուն հայացքը արտահայտում են մտորումների մեջ խորասուզված բանաստեղծի ներաշխարհը։