ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Կենտրոնական բանկի այցելուների կենտրոնի նպատակը ՀՀ Կենտրոնական բանկի գործունեության և դերի վերաբերյալ հանրային իրազեկվածության բարձրացումն է:

ՀՀ կենտրոնական բանկի այցելուների կենտրոնի ստեղծման հայեցակարգը ընդունվել է 2007 թվականին՝ հաշվի առնելով եվրոպական երկրների կենտրոնական բանկերի լավագույն փորձը և մեր երկրի առանձնահատկությունները: Կենտրոնի ստեղծման նպատակը տարաբնույթ կրթական գործիքների՝ ստատիկ, թեմատիկ և ինտերակտիվ ցուցադրությունների միջոցով ՀՀ կենտրոնական բանկի գործունեության և դերի վերաբերյալ հանրային իրազեկվածության բարձրացումն է: 

ԱՅՑԵԼՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

ՀՀ կենտրոնական բանկի այցելուների կենտրոնը տեղակայված է ՀՀ կենտրոնական բանկի պատմական շենքում: Կենտրոնում ցուցադրվում են 24 ստատիկ վահանակներ, 2 ինտերակտիվ գոտիներ՝ դրամանիշերի ստուգման լաբորատորիա, բանկոմատ, 2 մուլտիմեդիային խաղեր, ազգային դրամի պատմության և գործունեության մասին 2 տեսաֆիլմ, գների և ֆինանսական կայունությունը, ֆինանսական համակարգի գործունեությունը բացատրող մուլտֆիլմեր, ինչպես նաև թեմատիկ տեսահոլովակներ:

Կենտրոնում անցկացվում են հանրակրթական դպրոցների ուսուցիչների վերապատրաստման դասընթացներ, թեմատիկ դասախոսություններ, այցելություններ հատուկ խմբերի համար:

Կենտրոն հիմնականում այցելում են դպրոցականներ և ուսանողներ, որոնց այցելությունները կազմակերպվում են օրական 2-3 անգամ, մինչև 35 հոգանոց խմբերով: Կենտրոն կարող են այցելել նաև քաղաքացիներ, որոնք հետաքրքրված են դրամանիշերի պատմությամբ, Կենտրոնական բանկի գործունեությամբ, դրամավարկային քաղաքականությամբ:

Կենտրոնն ունի հետևյալ կառուցվածքը.

1. Հայաստանի դրամաշրջանառության պատմություն
2. Հայաստանի Հանրապետության արժույթ
3. Դրամանիշների / թղթադրամների ստեղծման գործընթաց
4. Դրամի պաշտպանական հատկանիշներ
5. Դրամանենգությունը հանցանք է
6. Վճարահաշվարկային համակարգեր և վճարային քարտեր
7. Դրամավարկային քաղաքականություն
8. Միջազգային պահուստների կառավարում
9. Ֆինանսական համակարգ և վերահսկողություն. աջակից կառույցներ՝ Ֆինանսական համակարգի հաշտարար, ԱՔՌԱ վարկային բյուրո, Ֆինանսական Դիտարկումների Կենտրոն, Ավանդների հատուցումը երաշխավորող հիմնադրամ
10. Բաց գրադարան
11. Խաղասրահ
12. Կինոսրահ
13. Վաճառասրահ

Կենտրոնի տարածքը հարմարեցված է հենաշարժական խնդիրներ ունեցող այցելուների համար:

ԺԱՄԵՐԸ ԵՎ ՄՈՒՏՔԸ

Երկուշաբթիից ուրբաթ՝ 09:30-17:30

ՄՈՒՏՔ

Մուտքը՝ անվճար

ԷՔՍԿՈՒՐՍԻԱՆԵՐ

Էքսկուրսիաներն իրականացվում են հայերեն, անգլերեն, լեզուներով:
Այցելություն կարող եք ամրագրել հետևյալ հղումով՝ https://visitorcentre.cba.am/hy