ՀՈՒՇԱՐՁԱՆՆԵՐ

1956 թ․

Պետ․ ցուցիչ՝ 1․3․4

Ճարտարապետ՝ Գրիգոր Աղաբաբյան

Կառուցված է Հրազդան գետի վրա՝ նախկինում գոյություն ու­նեցած հին կամրջի տեղում։ Քաղաքաշինական կարևոր հանգույց է, որը, լինելով Կիևյան փողոցի շարունակությունը, քաղաքի կենտրոնը կապում է Արաբկիր, Աջափնյակ, Մալաթիա-Սեբաստիա վարչական շրջաններին։ Կառուցվել է ՀԽՍՀ արվեստի վաս­տա­կավոր գործիչ, ՀԽՍՀ վաստակավոր ճարտարապետ, Երևանի գլխավոր ճարտարապետ (1950-1959 թթ.), ԽՍՀՄ Շինարարության և ճարտարապետության ակադեմիայի թղթակից-ան­դամ Գրիգոր Աղաբաբյանի նախագծով: Կոնստրուկտորներն են Ս. Հովնանյանը, Վ. Փինաջյանը, Ս. Դուր­գարյանը, Ն. Սլավինսկին:

Երևանի ինժեներական խոշորագույն կառույցներից է, երկաթբետոնե կոնստրուկցիաներով իրականացված միաթռիչք հորինվածք, որի երկարությունը 364 մ է, լայնությունը՝ 26 մ, թռիչքի բարձրությունը՝ 58․3 մ։ Անվտանգության նպատակով տեղադրված զանգվածեղ բազրիքները ձուլված են թուջից։ Նախատեսված է երկկողմ երթևեկության համար:

1981 թ. երթևեկելի մասը վերակառուցվել է, 2005 թ. կատարվել են նորոգման աշխա­տանքներ։

Կամրջից հոյակապ տեսարան է բացվում դեպի Հրազդանի կիրճը:

 «Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան