ՀՈՒՇԱՐՁԱՆՆԵՐ
ՀՈՒՇԱՐՁԱՆ ՍՈՂՈՄՈՆ ԹԵՀԼԵՐՅԱՆԻ
2003 թ.
Պետ. ցուցիչ՝ 1.1.17
Քանդակագործ՝ Լևոն Թոքմաջյան
Գտնվում է Աջափնյակ վարչական շրջանի Շինարարների, Էստոնական և Առաքելյան փողոցների խաչմերուկի հարավարևմտյան հատվածում` բնակելի կառուցապատման մեջ:
Կիսանդրի
է՝ կանգնեցված ի հիշատակ Հայոց ցեղասպանություն վերապրած հայ վրիժառու, ազգային-ազատագրական
շարժման գործիչ, «Նեմեսիս» գործողության մասնակից, ՀՅԴ անդամ Սողոմոն Թեհլերյանին
(1896-1960), ով 1921 թ. մարտի 15-ին Բեռլինի Շառլոտենբուրգ թաղամասի Հարդենբերգ փողոցում դեմ առ դեմ դուրս
գալով սպանել է երիտթուրքական կառավարության ներքին գործերի
նախարար և 1915 թ. Հայոց ցեղասպանության գլխավոր կազմակերպիչ Թալեաթ փաշային:
Դատավարության ժամանակ ներկայացված ցեղասպանության անհերքելի փաստերի առկայության հիման
վրա, ինչպես նաև՝ Եվրոպայի առաջադեմ հասարակայնության ճնշման տակ Բեռլինի դատարանը
նույն տարվա հունիսի 2-ին արդարացրել նրան:
Կիսանդրին
կերտված է միակտոր բազալտից: Դիմային կենտրոնական հատվածում արձանագրված է.
ՍՈՂՈՄՈՆ
ԹԵՀԼԵՐՅԱՆ:
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
