ՀՐԱՊԱՐԱԿՆԵՐ ԵՎ ԱՅԳԻՆԵՐ

2001-2007 թթ.

Ճարտարապետներ՝ Նարեկ Սարգսյան և ուրիշներ

Գտնվում է Հյուսիսային պողոտայի կենտրոնական հատվածում: Կառուցվել է 2001-2007 թթ.: Նախագծի վրա աշխատել է ճարտարապետների հեղինակային խումբը՝ Նարեկ Սարգսյանի ղեկավարությամբ: 

Անվանակոչվել է Երևանի ավագանու 2019 թ. մարտի 19-ի որոշմամբ, Եվրոպայի խորհրդի հիմնադրման (1949 թ. մայիսի 5) 70-ամյակի կապակցությամբ: Բացման հանդիսավոր արարողությանը մասնակցել է Եվրոպայի խորհրդի խորհրդարանական վեհաժողովի նախագահ Լիլիան Մորի Պասկիեն: Քաղաքապետ Հայկ Մարությանը ԵԽԽՎ նախագահին է փոխանցել հրապարակն անվանակոչելու մասին Երևանի ավագանու որոշումը:

Շրջանաձև է՝ եզերված բնակելի շենքերով, առևտրի ու սպասարկման կենտրոններով: Տարածքի սյուներից մեկին ամրացված է հրապարակի անունը կրող եռալեզվյան (հայերեն, անգլերեն, ֆրանսերեն) ցուցանակը՝ «Եվրոպայի հրապարակ»:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան