ՀՈՒՇԱՐՁԱՆՆԵՐ

2000 թ.

 Քանդակագործ՝ Լևոն Թոքմաջյան

Մեծ Հայքի թագավորության Արտաշիսյան հարստության նշանավոր տիրակալներից մեկի՝ Տիգրան Բ Մեծի (մ.թ.ա. 95-55 թթ.) հուշարձանը գտնվում է ՀՀ Նախագահի նստավայրի (նախկին ՀԽՍՀ Գերագույն խորհրդի նախագահության շենք) բակում՝ Մարշալ Բաղրամյան փողոց, 26 հասցեում:

Արձանը տեղադրված է բազալտե, ցածր, սրբատաշ պատվանդանին: Տիգրանը պատկերված է գահին բազմած դիրքով, արքայական հանդերձանքով, աջ ձեռքում՝ դաշույն:

Արձանը մարմարից է, չափերն են՝ 2,8 x 1,6 x 1,0 մ։

Կանգնեցվել է 2000 թ., նստավայրի շենքի դիմաց, բակում: 2011 թ. մայիսի 2-ին Երևանի գլխավոր ճարտարապետ Նարեկ Սարգսյանի առաջարկով այս և Նոյ նահապետի արձանները նախագահի նստավայրի ճակատամասից տեղափոխվել են շենքի հետնամաս։

Հզոր արքայի Երևանում կանգնեցված առաջին հուշարձանն է: Երկրորդը տեղադրվել է 2004 թ. (բացումը՝ 18.11.2005 թ.), Նոր Նորքի վարչական շրջանում՝ Տիգրան Մեծի անվան զբոսայգում:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան