ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Բացահայտեք Ձեզ համար զարմանալի մի աշխարհ, որտեղ միահյուսվում են պատմությունն ու այժմեականը, ավանդույթներն ու փորձարարությունը, բնության շռայլությունը և ստեղծագործական կիրքը:

ԱՐԱՐԱՏ թանգարանն ավելին է, քան ուղղակի վայր: Այն Հայաստանի ամենահայտնի խորհրդանիշներից մեկը՝ ARARAT լեգենդար հայկական կոնյակը բացահայտելու բացառիկ հնարավորություն է:  

Թանգարանը տեղակայված է Երևանի կոնյակի գործարանի վեհաշուք շենքում, որը պատկերավոր կերպով վեր է խոյանում քաղաքի արևելյան մուտքի մոտ և համարվում է մայրաքաղաքի ճարտարապետական խորհրդանիշներից մեկը: 

Տարեկան ունենալով տասնյակ հազարավոր այցելուներ աշխարհի տարբեր երկրներից՝ ԱՐԱՐԱՏ թանգարանը Երևանի ամենահայտնի թանգարաններից է և հանդիսանում է Հայաստանում այցելության ամենասիրված  վայրերից մեկը: ԱՐԱՐԱՏ թանգարան այցելել են տարբեր երկրների ավելի քան 30 նախագահներ, ինչպես նաև մի շարք քաղաքական գործիչներ, աստղեր և հանրաճանաչ անձինք, ինչպիսիք են Շառլ Ազնավուրը, Ջորջ Քլունին, Ջոն Մալկովիչը և շատ ուրիշներ: 

ԱՅՑԵԼՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

Այցելելով թանգարան` կբացահայտեք ARARAT-ի աշխարհը՝ դարավոր պատմությունը, ստեղծման վարպետությունը և նոր եզրերը: Շրջայցը ընդգրկում է այնպիսի բացառիկ վայր, ինչպիսին Երևանի կոնյակի գործարանի հնացման մառանն է, որտեղ տասնամյակներ շարունակ կատարվում է կոնյակի սպիրտների հնացման գործընթացը: Շրջայցերն ավարտվում են համտեսով, որի ընթացքում ներկայացվում է ARARAT կոնյակների օրգանոլեպտիկ հարստությունը և համտեսի ծիսակարգի ողջ գեղեցկությունը: 

ԺԱՄԵՐԸ ԵՎ ՄՈՒՏՔԸ