ԹԱՆԳԱՐԱՆՆԵՐ ԵՎ ՊԱՏԿԵՐԱՍՐԱՀՆԵՐ

Արա Սարգսյանի և Հակոբ Կոջոյանի տուն-թանգարանում ներկայացված են հայկական կերպարվեստի երկու խոշորագույն վարպետների ստեղծագործությունները:

Պետ. ցուցիչ՝ 1.6.173

Ճարտարապետ՝ Վարազդատ Արևշատյան

ԱՅՑԵԼՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

Արա Սարգսյանի արվեստի բաժնում ցուցադրված են քանդակագործի ստեղծագործությունները, լուսանկարներ, հուշաձեռագրային նյութեր: Ներկայացված են նաև արվեստագետի թատերական ձևավորումներն ու գրաֆիկական գործերը: Քանդակագործի արվեստում գերիշխող է եղել դիմաքանդակի ժանրը: Փայլուն տիրապետելով արձանագործական արվեստում կիրառվող նյութերին` մարմարի, գրանիտի, բրոնզի, փայտի մեջ նա մարմնավորել է հայ ականավոր գործիչներ Մանուկ Աբեղյանի, Հրաչյա Աճառյանի, Թորոս Թորամանյանի, Սուրեն Սպանդարյանի, Վարդան Աճեմյանի և այլոց կերպարները:

Առանձնատան բակում տեղադրված են միջնադարյան խաչքար, Արա Սարգսյանի աշխատանքներից «Մայր Հայաստան», «Սահակ Պարթև և Մեսրոպ Մաշտոց», «Արտավազդ Բ» քանդակները: Քարե պարսպին ամրացված են «Շեփորահարներ», «Շինարարություն», «Մխիթար Հերացի» հարթաքանդակները:

Տուն-թանգարանի մուտքի մոտ՝ 1981 թ. տեղադրվել է Հակոբ Կոջոյանի և Արա Սարգսյանի հուշակոթողը (ճարտարապետ՝ Ռոմեո Ջուլհակյան, քանդակագործ՝ Էդուարդ Աղայան): Այն ուղղաձիգ պատվանդանի վրա տեղադրված բարդ կոնֆիգուրացիայով, զույգ կամարակապ խորշերով երկկողմանի ծավալ է: Խորշերից մեկի մեջ տեղադրված է Հ. Կոջոյանի, մյուսում՝ Ա. Սարգսյանի դիմաքանդակը: Դիմաքանդակները բրոնզից են, աչքի են ընկնում դիմապատկերային նմանությամբ:

ԺԱՄԵՐԸ ԵՎ ՄՈՒՏՔԸ

Երեքշաբթիից կիրակի՝ 11:00-17:00

ՄՈՒՏՔ

Մեծահասակներ - 1000 դրամ
Աշակերտներ, ուսանողներ, թոշակառուներ - 500 դրամ
Մինչև 12 տարեկան երեխաների մուտքը անվճար է։

ԷՔՍԿՈՒՐՍԻԱ

Հայերեն/օտար լեզու – 3000 դրամ