ՀՈՒՇԱՐՁԱՆՆԵՐ

2004 թ.,

Քանդակագործ՝ Արսեն Ավետիսյան

 Ավստրիացի գրող, հումանիստ, «Մուսա լեռան 40 օրը» վեպի հեղինակ Ֆրանց Վերֆելի արձանը գտնվում է Նոր Նորքի առաջին զանգվածում՝ Ֆրիտյոֆ Նանսենի անվան այգում: 

Սրբատաշ, բազալտե պատվանդանի վրա տեղադրված է սև տուֆից մեծ բեկոր, որի դիմային ճակատին պատկերված է Վերֆելը՝ ձեռքերը դեպի վեր պարզած, կարծես կրում է 1915 թ. ցեղասպանության ժամանակ հայ ժողովրդի ապրած տառապանքների ծանրությունը: Գլխավերևում հայկական եկեղեցու քանդակ է: Մյուս ճակատներին քանդակված են Մեծ Եղեռնի տեսարաններ, պայքարող ու փրկագործվող ժողովուրդ, խաչքարերի բեկորներ: Հարավային ճակատին գրողի անունն է՝ ՖՐԱՆՑ ՎԵՐՖԵԼ / FRANS WERFEL: 

Հուշարձանի բարձրությունը 2.25 մ է, պատվանդանի չափերն են` 0.43 x 1.80 x 1.17 մ:

Հուշարձանը երախտագիտության խոսք է Ֆրանց Վերֆելի հիշատակին:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան