ՀՈՒՇԱՐՁԱՆՆԵՐ

Քանդակագործ՝ Լ. Թոքմաջյան

Ճարտարապետ՝ Ռ. Օհանյան

Նյութ՝ Մարմար, գրանիտ

Տարեթիվ՝ 2004

Հայոց թագավոր, պետական և ռազմական գործիչ Տիգրան Մեծի (մ․թ․ա․ 95 - մ․թ․ա․ 55) տերությունը տարածվում էր Կասպից ծովից մինչև Միջերկրական ծով, Կովկասյան լեռներից մինչև Միջագետքի անապատները։ Նա կրել է «արքայից արքա» տիտղոսը:  

Տիգրան Մեծ արքայի հուշարձանը տեղադրվել է 2004 թվականին, Երևանի Նոր Նորք համայնքի Տիգրան Մեծ զբոսայգում։ Հուշարձանի բացումը տեղի է ունեցել 2005 թվականի նոյեմբերի 18-ին։

Սա Երևանում Տիգրան Մեծի երկրորդ արձանն է։ Մյուսը գտնվում է հանրապետության նախագահի նստավայրի տարածքում, քանդակագործը կրկին Լևոն Թոքմաջյանն է։

Հուշարձանը կառուցված է վարդագույն մարմարից և գրանիտից, բարձրությունը 5 մետր է։