ՀՈՒՇԱՐՁԱՆՆԵՐ

2012 թ․

Քանդակագործ՝ Տիգրան Արզումանյան

Ճարտարապետ՝ Լևոն Ղալումյան

Թիֆլիսահայ մեծանուն բարերար, նավթարդյունաբերող, Թիֆլիսի առևտրական բանկի գլխավոր բաժնետեր, Մանթաշյանց առևտրական բաժնետիրական տան և Մանթաշյան ա­ռևտրական դպրոցի հիմնադիր, Կովկասի հայոց բարեգործական ընկերության ցկյանս պատվո նա­խագահ, արվեստի ու գիտության հովանավոր, Ֆրանսիայի Պատվո լեգեոնի ասպետի շքա­նշա­նակիր (պարգևատրվել է Փարիզի Սբ Հովհաննես Մկրտիչ հայկական եկեղեցու կառուցումը ֆինանսավորելու համար) Ալեքսանդր Հովհաննեսի Մանթաշյանցի (Մանթաշով, 1842-1911) հուշարձանը տեղադրվել է Աբովյան փողոցում, Սբ Կա­թո­ղիկե և Սբ Աննա եկեղեցի­ների հարևանությամբ:

Հեղինակներն են՝ քանդակագործ, ՀՀ վաստակավոր նկարիչ Տիգրան Արզումանյանը և  ՀՀ վաստակավոր ճարտարապետ Լևոն Ղալումյանը, հովանավոր՝ Հովիկ Հո­վակիմյան։

Հանդիսավոր բացումը տեղի է ունեցել 2012 թ. ապրիլի 18-ին։ Բացմանը ներկա են եղել Ալ. Մանթաշովի թոռը և ծոռը՝ Ալեքսանդր և Միքայել Մանթաշյանները:

Հուշարձանը բրոնզաձույլ է, ունի 3 մ բարձրություն։ Շրջանաձև պատվանդանի չափերն են. բարձրությունը` 0.47 մ, տրամագիծը` 2.30 մ:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան