ԲԼՈԳ

Հուլիս ամսին մայրաքաղաքում սպասվում են մի շարք մշակութային և ժամանցային միջոցառումներ:

Հուլիս 1-ին Երևան քաղաքի Հրազդան մարզադաշտում ելույթ կունենա աշխարհահռչակ ռեփ կատարող 50 CENT-ը: Այլ մանրամասների համար` https://haya.am/

Հուլիսի 5-ը Հայաստանում նշվում է որպես ՀՀ Սահմանադրության և պետական խորհրդանշանների օր, որի շրջանակում մայրաքաղաքում իրականացվելու են մի շարք միջոցառումներ: Նախատեսվում է տոնական քայլերթ, ազգային երգի և պարի համույթների բազմապիսի ելույթներ ու կատարումներ: Այլ մանրամասների համար` https://yeraguyn.com/ 

Հուլիսի 8-ին Երևան պարկում ելույթ կունենա Aram Mp3-ն իր ամենասիրված կատարումներով: Բոլոր ներկաներին սպասվում է ատրակցիոնների անսահմանափակ վայելում և անմոռանալի զգացողություններով լի օր: Իսկ After-Party-ի պարային ռիթմերը կապահովի DJ Serjo-ն։ Այլ մանրամասների համար`  https://yerevanpark.am/am։

Հուլիսի 9-ին Երևանի «Հրազդան» մարզադաշտում տեղի կունենա Led Zeppelin Symphonic լեգենդար խմբի բացառիկ  համերգը՝ երեք ֆենոմենալ երգիչների և սիմֆոնիկ նվագախմբի ուղեկցությամբ: Ընդհանուր ներկայացված կլինի  25 երգ, որոնց թվում են ամենահայտնի հիթերը՝ Whole Lotta Love, Black Dog, Kashmir, Rock & Roll,Dazed & Confused, Stairway to Heaven:

Այլ մանրամասների համար` https://haya.am/

Մայրաքաղաքի գլխավոր մշակութային իրադարձություններից է «Ոսկե ծիրան» միջազգային կինոփառատոնը, որն այս տարի տեղի կունենա 19-րդ անգամ հուլիսի 10-17-ը: Այս տարի ևս միջազգային կինոտոնը հանրությանը կներկայացնի մրցութային կինոնկարներ աշխարհի տարբեր երկրներից, ինչպես նաև ֆիլմեր ամենահեղինակավոր կինոփառատոներից: Երևանի քաղաքապետարանը այս տարի հանդես է գալիս որպես փառատոնի գլխավոր գործընկեր: Փառատոնի ընթացքում կցուցադրվի շուրջ 100 ֆիլմ:

Հատուկ փառատոնին մասնակցելու համար Երևան կժամանեն աշխարհահռչակ արվեստագետներ: «Ոսկե ծիրան» 19-րդ կինոփառատոնը կմեկնարկի և կփակվի հայ հեղինակների գործերով: