ԲԼՈԳ
Սնունդը Երևանում
Forbes-ի խոհարարական գինու և սննդի բիզնեսի խորհրդատու Լիզա Զիմերմանը այցելել է Երևան և կիսվել տեղական խոհանոցի մասին իր տպավորություններով։
Հայկական սննդի հետ իմ առաջին փորձը եղել է Չիկագոյի մի թանկարժեք ռեստորանում, որը կոչվում է «Սայաթ-Նովա»՝ հայ բանաստեղծի անունով: Ես շարունակեցի վայելել համեղ սնունդը հայկական ռեստորաններում, ինչպիսին է Լոս Անջելեսի Carousel-ը, որտեղ միախառնված են հայկական և լիբանանյան խոհարարական ավանդույթները: Այս երկրի շատ բնակիչներ տարիներ շարունակ ապրել են Լիբանանի հայկական համայնքում և ներմուծել նրանց խոհանոցից տարբեր համեմունքներ:
Հողի վրա
Երևանը խոհարարական հաճույքների երկիր է: Այս խոհանոցում գերակշռում են թարմ խոտաբույսերը և տեղական պանիրները: Տեղացիները շատ են սիրում դրանք փաթաթել թարմ թխած լավաշի մեջ:
Հայաստանը քրիստոնեական երկիր է, ուստի տեղացիներն ու հյուրերն ունեն լայն խոհարարական ընտրանի: Կան նաև դասական և դժվար գտնվող ուտեստներ, օրինակ՝ կանաչ լոբով լցոնած մի փոքրիկ բոված դդում և մսով լոլիկի սոուս, որը եղավ իմ առաջին ճաշը քաղաքում՝ «Լավաշ» կոչվող երևանյան ռեստորանում:
Մյուս ճաշատեսակները, ինչպիսիք են մանթեն՝ փոքրիկ, հաստլիկ պելմենիները, որոնք լցված են մսով կամ բանջարեղենով, հայկական խոհանոցում նորամուծություն են և նոր են ձևավորում իրենց ազդեցությունը: Մանթեն արտադրվում է շատ երկրներում։ Օրինակ՝ Թուրքիան և Լիբանանը։ Սակայն հայերը անհավանական ավելի լավ են պատրաստում։ Լցոնած մակարոնեղենը մատուցում են նախքան արգանակն ու թթվասերը ավելացնելը։ Լավագույն մանթեն, որ փորձեցի, լիբանանահայ «Մանթե» ռեստորանում էր՝ քաղաքի կենտրոնին շատ մոտ:
Ճաշից հետո, եթե ցանկանում եք հիանալ քաղաքով և շրջակայքով, ընտրեք օդապարիկը: Skyball Armenia-ն հիանալի տարբերակ է այցելուներին շրջակա լեռների ապշեցուցիչ տեսարանները ցուցադրելու համար: Օդապարիկի ներսում մատուցվում է տեղական շամպայն, ինչպես նաև սուրճ և խորտիկներ՝ զբոսանքից առաջ և հետո: Այնքան հաճելի էր։
Այլ վայրեր այցելելու համար
Այս կանաչ և առատ քաղաքը տուն է մի շարք գինետների համար, քանի որ տեղացիները շարունակում են բացահայտել հին գինու ժառանգությունը: Ամենահետաքրքիրներից մեկը Decant-ն է: Բարն ունի և՛ հայկական գինիների, և՛ շամպայնի մեծ տեսականի, բայց անձամբ ես շատ կուզեի, որ կարմիր գինիները մատուցվեին ճիշտ ջերմաստիճանում։ Այս առումով անընդհատ հիասթափություններ էին լինում, որոնք ինձ ստիպում էին ավելի քիչ կարմիր գինի խմել:
Այս ճամփորդության ընթացքում ինձ միշտ հետաքրքրում էին բանջարեղենային տաք ուտեստները: «Դալան» ռեստորանը, որը գտնվում է Երևանի կենտրոնում գտնվող արվեստի պատկերասրահի հետևում, ձվերով տապակած հիասքանչ ճակնդեղ է պատրաստում:
Երկար գիշերից հետո «Արտաշի Մոտ»-ում հյուրասիրեք ձեզ աշխարհի հնարավոր լավագույն շաուրման: Այո, այստեղ կարելի է նույնիսկ խոզի միս ուտել, և դա անչափ համեղ է։ Չեմ կարող հավատալ, որ այդ օրը ավելի վաղ երեք համեղ ուտեստից հետո մի ոտնաչափ ռուլետ էլ եմ կերել: Պարզապես ավելի երջանիկ կլինեի առանց կարտոֆիլի, և գուցե արժեր մանանեխն էլ այդքան շատ չլիներ:
