ԲԼՈԳ

Սիրելի՛ համաքաղաքացիներ,

«Զբոսավարների Միջազգային օրվան» ընդառաջ Պրոֆեսիոնալ Զբոսավարների Հայկական Ասոցիացիան Երևանի քաղաքապետարանի Մշակույթի և տուրիզմի վարչության աջակցությամբ կազմակերպում է անվճար ճանաչողական տուրեր Երևանում։

Տուրերը տեղի կունենան ս․թ փետրվարի 20-ին, ժամը 14։00-17։00 ժամանակահատվածում, յուրաքանչյուր 30 րոպեն մեկ, Հանրապետության Հրապարակից (նախկին ԱԳՆ շենքի դիմաց)։ Այնտեղ տոնական ստենդի մոտ ձեզ կդիմավորեն տարբերակիչ համազգեստով մեր գործընկերները։

• 1 էքսկուրսիայի տևողությունը 40-60 րոպե է, որի ընթացքում պրոֆեսիոնալ զբոսավարները ձեզ կծանոթացնեն մայրաքաղաքի հայտնի և անհայտ հուշարձաններին, շենքերին, փողոցներին, մշակութային և պատմական վայրերին ու իրադարձություններին։
• Էքսկուրսիաների լեզուն հայերեն է։
• Էքսկուրսիաները կիրականացվեն Bus Voyage ընկերության ավտոբուսներով։
• Մասնակիցների թիվը սահմանափակ է։ Հարկավոր է նախապես գրանցվել՝ անցնելով հետևյալ հղումով։ https://guides.am/itgd2022-citytour/ 
• Էքսկուրսիաներին հարկավոր է ներկայանալ մեկնարկից 15 րոպե առաջ՝ գրանցվելու համար։ 
• Էքսկուրսիաների ժամանակ հարկավոր է պահպանել COVID-19 հակահամավարակային կանոնները, ներկայանալ սթափ և կոկիկ վիճակում, հետևել զբոսավարի կողմից ներկայացվող հրահանգներին և էքսկուրսիայի պատշաճ իրականացման համար անհրաժեշտ կանոններին։

Սիրով սպասում ենք ձեզ։