ՀԱՄԵՐԳԱՅԻՆ ԵՎ ԵՐԱԺՇՏԱԿԱՆ ՍՐԱՀՆԵՐ
Պետ. ցուցիչ՝ 1.6.91
Ճարտարապետ՝ Ստեփան Քյուրքչյան
Գտնվում է Օղակաձև զբոսայգում՝ Իսահակյան փողոց, 1 հասցեում:
Կառուցվել է ճարտարապետ Ստեփան Քյուրքչյանի նախագծով: Շատրվանների, գունավոր բարձրաքանդակների և ջահի նախագծերի հեղինակը նույնպես Քյուրքչյանն է:
1940-1950-ական թթ. կամերային երաժշտության տան տարածքում գործել է փայտաշեն «Կանաչ թատրոնը», որը հետագայում այրվել է:
Կամերային երաժշտության տուն ունենալու գաղափարը պատկանել է ՀԽՍՀ Երևանի քաղաքային խորհրդի նախագահ (քաղաքապետ` 1962-1975 թթ.) Գրիգոր Հասրաթյանին: Նա նաև մեծապես աջակցել է ձեռնարկի իրականացմանը, ճարտարապետի հետ քննարկել աշխատանքների հետ կապված ամեն մի մանրուք:
Տան բացումը տեղի է ունեցել 1977 թ. հոկտեմբերին Կոմիտասի անվան լարային քառյակի ելույթով: 1979 թ. այստեղ տեղադրվել է երգեհոն, որը նախկին ԽՍՀՄ տարածքում եզակի է իր տեսակի մեջ։
Կամերային երաժշտության տան շենքն իր ձևով տարբեր է և առանձնակի` կառուցված «ազատ հատակագծի» սկզբունքով:
2003 թ. տան մոտ կանգնեցվել է հայ աշխարհահռչակ ծովանկարիչ Հովհաննես Այվազովսկու արձանը (նախագիծը՝ 1987 թ., ճարտարապետ՝ Ստեփան Քյուրքչյան, քանդակագործ՝ Յուրի Պետրոսյան):
«Պատմամշակութային ժառանգության գիտահետազոտական կենտրոն» ՊՈԱԿ
Երևանի քաղաքապետարան
Ա. Իսահակյան փող. 1
+37410 526 780, +37410 586 046
