ԱՌՈՂՋՈՒԹՅՈՒՆ, ԲԱՐԵԿԵՑՈՒԹՅՈՒՆ
«Թաի Սպա»-ում կարող եք վայելել բացառապես որակավորված թաիլանդուհի մասնագետների կողմից իրականացվող մերսումներ: «Թաի Սպա»-ն հիանալի վայր է, ուր հայտնվելով դուք կթոթափեք աշխատանքային օրվա ողջ լարվածությունը, որին կնպաստեն հմուտ և արհեստավարժ թաիլանդուհիների վարպետությունն ու մեղմիկ երաժշտությամբ ողողված հանդարտ մթնոլորտը:
Այստեղ կարող եք Ձեր սիրելիի, ինչպես նաև ընկերների հետ մերսում ընդունել զույգերի համար նախատեսված հատուկ սրահում, որտեղ առկա են բոլոր հարմարությունները՝ Ձեր հանգիստն առավել կատարյալ դարձնելու համար:
«Թաի Սպա»-ում առկա է նաև թաիլանդական բուսական շոգեբաղնիք, որը հաճելի է ընդունել մերսումից առաջ՝ վերջինիս օգտակարությունը բազմապատկելու նպատակով: Իսկ մերսումից հետո թեյախմության համար առանձնացված հատուկ հատվածում Ձեզ կմատուցեն ավանդական թաիլանդական կանաչ թեյ:
