ՊԱՏՄԱՄՇԱԿՈՒԹԱՅԻՆ ՇԵՆՔԵՐ

1974 թ.

Պետ. ցուցիչ՝ 1.7.6

Քանդակագործ՝ Թորգոմ Չորեքչյան

1915 թ. Հայոց ցեղասպանությանը զոհ գնացած արևմտահայ տաղանդավոր բանաստեղծ Դանիել Վարուժանի (Չպուգքարյան) կիսանդրին գտնվում է Սեբաստիայի փողոց, 19 հասցեում՝ բանաստեղծի անունը կրող N 89 հիմնական դպրոցի բակում: Քանդակվել է 1972 թ., տեղադրվել՝ 1974 թ.: Հեղինակն է քանդակագործ Թորգոմ Չորեքչյանը:

Բրոնզե կիսանդրի է՝ կանգնեցված բազալտե բարձր պատվանդանին: Վարուժանը պատկերված է կիսաթեք դիրքով, բաճկոնով ու փողկապով: Դիմագծերը ռեալիստական են, ընդգծված են կերպարի ուժն ու ազնվությունը: Պատվանդանի դիմային մակերեսին փորագրված է բանաստեղծի ինքնագիրը և կիսանդրու ստեղծման տարեթիվը.

ԴԱՆԻԷԼ ՎԱՐՈՒԺԱՆ

ՔԱՆԴԱԿԱԳՈՐԾ ԹՈՐԳՈՄ ՉՈՐԵՔՉՅԱՆ, 1972:

Կիսանդրու բարձրությունը 1.25 մ է:

«Պատմամշակութային ժառանգության գիտահետազոտական կենտրոն» ՊՈԱԿ

Երևանի քաղաքապետարան